இன்றைய ஸ்பெஷல் (56)
http://www.inbaminge.com/t/k/Kettikaran/folder.jpg
படம்: கெட்டிக்காரன்.
வெளிவந்த ஆண்டு: 1971
நடிக, நடிகையர்: ஜெயசங்கர், லீலா,நாகேஷ், மேஜர்
கதை, திரைக்கதை: சாண்டோ எம்.எம்.ஏ.சின்னப்பா தேவர்.
வசனம்: மா.ரா
பாடல்கள்: மருதகாசி, மாயவநாதன்
தயாரிப்பு: தண்டாயுதபாணி பிலிம்ஸ்
இசை: சங்கர் கணேஷ்
காமெரா, இயக்கம்: எச்.எஸ்.வேணு
http://i1.ytimg.com/vi/e1USxkvN3ek/0.jpg
'இன்றைய ஸ்பெஷல்' தொடரில் ஒரு அபூர்வமான பாடல். 'கெட்டிக்காரன்' படத்தில் ஒரு ஹோட்டலில் நாகேஷும், அறிமுக நடிகை லீலாவும் (பிற்காலத்தில் இவர் 'கெட்டிகாரன்' புகழ் லீலா என்றே அழைக்கப்பட்டார்) வழக்கம் போல எதிரிகளுக்கு டிமிக்கி கொடுத்து கதாநாயகனுக்கு ஆதரவாக உதவி செய்ய ஆடிப் பாடும் பாடல்.
அப்போது இந்த 'கெட்டிக்காரன்' படம் பத்திரிக்கைகளால் கடும் விமர்சனம் செய்யப்பட்டது. படுமட்டமான படம் என்று விமர்சனங்கள் எழுந்தன. தேவர் இப்படியெல்லாம் படம் எடுப்பதா என்ற கேள்வி எழுந்தது.
ஆபாசக் காட்சிகள் அதிகம் (அப்போதைக்கு)... லீலா மற்றும் நடித்த நடிகைகள் ரொம்ப தாராளம். காவல் அதிகாரி ஜெய் கொள்ளையர் கூட்டத்தில் புகுந்து கொள்ளைக்காரனாகவே அவர்களுடன் நடித்து பின் அந்தக் கூட்டத்தை வளைக்கும் அறுத பழசு கதைதான்.
ஆனால் குப்பை மேட்டில் வைரம் ஒன்று ஜொலித்ததைப் போல இப்படத்தில் ஒரு பாடல் அமர்க்களமாக அமைந்துவிட்டது. அப்படி ஒன்றும் பிரமாதமான வரிகள் எல்லாம் இல்லை. ஆனால் சங்கர் கணேஷ் மிகக் குதூகலமாக இப்பாடலை உற்சாகத் துள்ளல் போட வைத்துவிட்டார்.
சுசீலாவும், சௌந்தரராஜனும் செம ஜாலியாகப் பாடியிருப்பார்கள். ரொம்ப கேஷுவலான ஒரு பாடல். ஜனரஞ்சகம். பாடலின் நடுவே கொள்ளையர் நடத்தும் அயோக்கியத்தனங்கள், ஜெய் திரு திரு முழி, ஓட்டிப் பிறந்த சகோதர்கள் போல 4 கொள்ளயர்கள் சேர்ந்தே வருவது, அவர்களின் பின்னால் மறைந்து ஜெய் போலீசுக்கு டிமிக்கி தருவது என்று 'விறுவிறு'வுக்கு பஞ்சமில்லை.
ஆனால் நாகேஷும் லீலாவும் தூள். கலக்கலான டான்ஸ் மூவ்மெண்ட்ஸ். லீலா புதுமுக கூச்சம் இல்லாமல் நாகேஷுடன் இணைந்து நன்றாகவே ஆடுவார். பாடகர் திலகம் அமர்க்களமாக வழக்கம் போல நாகேஷின் குரலில் பின்னுவார். லீலாவுக்கு சுசீலாவின் குரல் செமை பொருத்தம். லீலா பொம்மை போல இருப்பார். படத்தில் ரொம்ப தாராளம்.
பாட்டின் ஆரம்ப இசையே நம்மை நிமிர்ந்து உட்காரச் செய்துவிடும். பாடல் முழுந்தும் உற்சாகம் கொப்பளிக்கும். ஹார்மோனியம் ,டிரம்பெட், ஷெனாய், கிளாரினெட் என்று அனைத்து இசை உபகரணங்களையும் சகட்டு மேனிக்கு பயன்படுத்தி வெற்றி கண்டிருப்பார்கள் இரட்டையர்கள்.
https://i1.ytimg.com/vi/_GNo7ZXKlgo/mqdefault.jpg
இனி பாடலின் முழு வரிகள்.
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
பொன் கொட்டிக் கொட்டி அளக்கும்
பூ பட்டு பட்டு மணக்கும்
செந்தமிழ் நாட்டு சிலையாட்டம் தித்திக்கும்
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
கிட்டே கிட்டே வா வா
ஜில்லென்று கிட்டே நீ வா
நகையும் சுவையும் பசியும் உணவும் நாமாகலாம்
சிரிப்பூட்டும் ராஜா
தேனூறும் இந்த ரோஜா
கிடைக்காது நினைக்காதே ரொம்ப லேசா
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
சின்ன சின்ன பாப்பா
சிங்கார கண்ணு பாப்பா
சிலையே மலையே உன்மேல்
ஆசை கொண்டால் தப்பா
சின்ன சின்ன பாப்பா
சிங்கார கண்ணு பாப்பா
சிலையே மலையே உன்மேல்
ஆசை கொண்டால் தப்பா
தமிழ்நாட்டு பாப்பா
தன்மானம் உள்ள பாப்பா
தவறான ஆசைக்கு போடும் இது தாப்பா
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
பொன் கொட்டிக் கொட்டி அளக்கும்
பூ பட்டு பட்டு மணக்கும்
செந்தமிழ் நாட்டு சிலையாட்டம் தித்திக்கும்
தேன் சொட்ட சொட்ட சிரிக்கும் ஒரு திருமண மேடை
கை தட்ட தட்ட துடிக்கும் இதன் கருவிழி ஜாடை
https://www.youtube.com/watch?featur...&v=4-msePQdDio