Printable View
மற்றறிவாம் நல்வினை யாமிளையம் என்னாது
யாமிளையம் - நான் இன்னும் இளைய வயதினன் தானே!
மற்றறிவாம் நல்வினை - (இப்போதே எனக்கு ஏன் இந்த நல்வினை (தீவினை) பற்றிய ஆராய்ச்சி! ) நேரம் வரும்போது அதுபற்றிக் கவனிப்பேன்! தெரிந்துகொள்வேன்.
என்னாது - என்றெல்லாம் சொல்லிக்கொண்டிராமல்.....
இதுதான் முதல்வரியின் பொருள். மற்ற வரிகள் புரிந்திருக்கும்....
பொறுத்திருந்தால், புரிந்துகொண்டவர் யாரென்று அறிந்து இன்புறலாமல்லவா!
மேற்கண்ட நாலடிப் பாட்டில் அடுத்த வரிக்கு என்ன பொருள் என்று நினைக்கிறீர்கள்?
கைத்துண்டாம் போதே கரவா தறஞ்செய்க
அதாவது கை துண்டானபோதே உடனே அறஞ்செய்க என்றா சொல்கிறார்கள்?
என்னதான் பொருள் ?
தொடரும்
To save space and time, the rest of the explanation of this poem is given at
http://sivamaalaa.blogspot.com/
Pl see post dated 24.8.2013, entitled: "Fun with Naladiyar".
சிந்து பைரவி - ஆதி
கருணை தெய்வமே கற்பகமே
காண வேண்டும் உன் தன் பொற்பதமே (என் கருணை)
உறுதுணையாக என் உள்ளத்தில் அமர்ந்தாய்
உனையன்றி வேறே யாரோ என் தாய் (கருணை)
ஆனந்த வாழ்வு அளித்திடல் வேண்டும்
அன்னையே என் மேல் இரங்கிடல் வேண்டும்
நாளும் உன்னை தொழுதிடல் வேண்டும்
நலமுடன் வாழ அருளல் வேண்டும் (கருணை)
வருபொருள் உரைக்கும் வல்லபம் பெறில் என்?
மண்ணிடை விண்ணிடை மறைந்த
பெரு ரகசியங்கள் யாவையும் உணரும்
பெருமையும் ஞானமும்பெறிலென்;
பருவதம் எடுத்துப் பந்தென ஆடும்
பத்தியும் சித்தியும் பெறிலென்
பரவனுகூல திருட்டியென் றுரைக்கும்
பண்புறும் அன்பிலை எனிலே.
இது மனோன்மணீயம் சுந்தரனாரின் பாடல். அன்பின் அகநிலை அல்லது அறவுள்ளம் என்ற தலைப்பில் வெளியிடப் பட்ட கவிதைகளில் இரண்டாம் பாடல். அன்பின் முதன்மையை வலியுறுத்துவதாகும்.
விளக்கம் தொடரும்
விளக்கம் (ref poem above)
பருவதம் : மலை. பருவதம் எடுத்துப் பந்தென ஆடும் * : உலகை ஆட்டிப் படைக்கும்; பத்தி : இறைப்பற்று. சித்தி : தவ வலிமையால் அல்லது இறைப்பற்றாண்மையால் பெற்ற இயல்பு கடந்த ஆற்றல்கள். பரவனுகூல திருட்டி: எங்கும் எதிலும் நன்மையே காண்பது.
Read more on this at http://sivamaalaa.blogspot.com/
ஆசிய ஜோதி, உமர்கய்யாம் பாடல்கள் முதலியன அளித்து தமிழிலக்கியத்தை மேலும் வளப்படுத்திய கவிமணி தேசிகவிநாயகம் பிள்ளை அவர்களின் ஓர் அழகிய பாடல். ஏழை எளிய மக்களையும் தொழிலாள உடன்பிறப்புக்களையும் உள்ளத்தில் கொண்டு அவர் பாடியது:
பாடு படுவோர்க்கே--- இந்தப்
பாரிடம் சொந்தமையா;
காடு திருத்தி நல்ல--- நாடு
காண்பது அவரல்லவோ
மனம் திரியாமல்---காலை
மாலை எப்பொழுதும்
குனிந்து வேலை--- செய்வோர்
கும்பி கொதிக்கலாமோ
கோடி கோடியாக---நீங்கள்
குவித்திடும் லாபம்
வாடும் எம்மக்கள்---உண்ணா
வயிற்றுச் சோறல்லவோ
வாழ வேண்டுமெனில்---தொழில்கள்
வளர வேண்டுமையா
ஏழை என்றொருவன்---உலகில்
இருக்க லாகாதையா ( பாடுபடுவோர்க்கே)
"